Badan lon pijut, hana le asoe
Tuboh ka pangpo hana lon kira le
Aceh jinoe hana soe pakoe
Udep keudroe droe pajan keuh akhe
Cicem keudiri di pho u tiroe
Eumpeun bak gigoe keu yang ban lahe
Leupah that gura ureung jameun jinoe
Oh watee di woe han meuhoe akhe
Tuanku Leubeh geudong blah kaphe
Teungku nek meuraxa yang peutamong kaphe
Geutanyoe Aceh beu saboh hatee
Peumeusuhu naggroe sampoe oh matee
Tajak U blang ta kawee bace
Peutheun sineulhop mangat ie dilee
Otonomi ngon Damee jinoe ka ashee
Nyan Propinsi Aceh peumakmu beusaree
Kru seumangat kheun beusaree
Timoh lam dada Raja ngon Putroe
Udep lam donya teunte na akhee
Tulong syedara ie mata meulele
Alah e rakan alah e adoe
Padee ka rubah pangkai ka reugoe
Bak lon meututo neupeumeuah sigoe
Bek sampoe desya meukumat bak droe
Rampagoe Tumpoi
Tidak ada komentar:
Posting Komentar